Жаз айы жазиралы гүл шашқанда,
Корабль шықты самғап нұрлы аспанға.
Бар әлем құшақ жайып, созды қолын,
Қырандар космос жақтан сырласқанда.

Космонавтар - жас қырандар,
Жайды құшақ дос-жарандар.
Арта берсін Отан даңқы,
Құттықтайды әлем халқы!

Құшақтап қырандарды барлық әлем,
Қарсы алып, жолдап жатты мыңдап сәлем.
Отанның ұл-қызына арнап жазған,
Шарықтай түсті біздің жалынды өлең.

Космонавтар - жас қырандар,
Жайды құшақ дос-жарандар.
Арта берсін Отан даңқы,
Құттықтайды әлем халқы!

Ержүрек бала өсірген асыл ана,
Думанды той шалқыды Москвада.
Айтылып жатыр бүгін шын жүректен,
Мың алғыс ағайынды қырандарға.

Космонавтар - жас қырандар,
Жайды құшақ дос-жарандар.
Арта берсін Отан даңқы,
Құттықтайды әлем халқы!